+0 beyen
كاريكا تورلارا گئچميشيك داها
سنله من
دار آغاجيندان يوكسك
سوچوموز تانري بويدا
بو نه دئمك دير ؟؟
پا.............
تانري لاشميش لاريق بيز
قاپات گؤزلرين
گؤرمه سين شكيل لر
تام حللاج لاشميش لاريق بيز
آدديملاريميز دونيايا سيغمادان
دوققوزونجو گؤيدن
بوغاز
آسيلميش لاريق بيز
و داغ دولوسو آياق لاريميزدا قانلي چئشمه لر
ساقين سيخيلما قارداشيم
بير باخ
دالغالانان قانيميزدان جننت يئشردير ملكلر
بير آدديم قالير
ايچينه وارماساق دا
باشيوي ديك توت
اؤلومه ديز چؤكمه يه ن
دلي دومرول لريك بيز.
گؤنده ر
بؤلوم لر:
+0 beyen
بهمن گليبدي باغ لاريميز قين چيچكده دير
باخ چيلچيراقلانيب ائو- ائشيكلر بزه كده دير
جاننان قوخور تنين ده كي آزادليغين وطن
قاننان يئشه رميسن! بو ياماجلار دئمكده دير
آدليم شهيدلرين قانينا سؤيكه نيب گرك-
فجرين عزيزله يه ك گؤزوموزده، ببكده دير
بايرام توتاق بيز اون گونو، شيطان قودوزچولار
گؤرسون كي باشدا باشلاري بوردا ديبكده دير
ايرانلي ييق و ايرانا باشدير بيزيم وطن
بيزلن بو مملكت بير اومود بير ديلكده دير
آرديندا دورموشوق دوراريق بيز «ولايت» ين
توم اينقيلاب چي ييق گوجوموز بير بيلكده دير
وار دونيا، وار نقده ر بيزلرين سويو
ايران ياشانمالي قانيميزدان گركده دير
لببئيك آراز بو نئهضته ايسلامدي جيمهورو
يارديم چي تانريدير اؤزو، دونيا الكده دير
گؤنده ر
بؤلوم لر:
+0 beyen
بيز تورپاغا جان وئرمه يي قانديق گلديك
دوغموش آناميز بؤيله اينانديق گلديك
عوصيانليغيميز چاخناشاجاق غئيرتدن
داغلاردا بورانلاردا سينانديق گلديك
***
بيزدن بو قده ر كيينه ديله باغلاما گول
گولمك ياراشير گول بنيزه چاغلاما گول
ياخ گؤزلريوين سيم سيجاغيندان اوره ييم
قوربان او گونش گؤزلره چوخ آغلاما گول
***
سورگون اولاجاق دويغولاريم بورداندا
كوسموش اوره ييم بلكه گونش، نورداندا
بير گون آزيبان گئچسه سيزين يايلاقدان
قايتار مني اؤز وارليغيما اورداندا
***
اسره ك دئييلم كئفلي ده يوخ بارداغي دولدور
اولموش سا ياساق مئيخانالار چارداغي دولدور
تانريم ايچه جك من باخاجام اولمادي قارداش
گيزلين مي جوشار چئشمه لييم يار داغي دولدور
گؤنده ر
بؤلوم لر:
+0 beyen
داماريم آل ياناقيندان يئنه قانسيز لامادا
يئنه حسرتلي بير آخشامدا بو جان سيزلامادا
بو قارامتيل هاوادا سنله اؤتن خاطره لر
دؤشه نيبدير قافاما گل كي زامان سيزلامادا
گل گولوم گل غزليم گل يولونا جان دئميشم
قلميم چاشماسادا، شعريم ايمانسيزلامادا
ساري شين ساچلارينا بوردا سوسوب نغمه لييم
باياتيم، قوشمالاريم، توركوم اوزانسيزلامادا
توخونار گؤزلرينه يوخسا بو ياغمورلو جينون
دؤن منه دؤن گؤزه ليم درديم آمانسيزلامادا
اريدير وارليغيمي قار كيمي چيلپاق باخيشين
آرازين ساحيلي شكلينله ليمانسيزلامادا
دؤنه جكسن منه بير گون گؤزه ليم تئز ليجه دؤن
غزلين ذيروه سي سن سيزده دومانسيز لامادا
گؤنده ر
بؤلوم لر:
+0 beyen
هارداسن سن؟
يوخدا؟
واردا؟
دوستلوغون بس سؤيله هاردا؟
گؤرموسن مي درد اليندن قالديم داردا؟
بوراختيلار....
يالنيزليغيم قالدي منه گئتدي ياردا.
سنده منه يارامادون،
يارامازسان
چاتار سونون
چالين چارپاز تالعينده قييامت وار
ييخيلارمي منيم كيمي
بئله قالماز ائوين دونيا
بويون صاباه گؤزون دويماز
ياندير بيزي، اؤلدور بيزي سئوين دونيا.
دئ هارداسان؟
چكير سن بس مني هارا؟
دوشر بير گون سونسوز باشين
منيم كيمي اوجا دارا
تاپدا هله
سيرتيمداسان ييرت گوده مي
نه بير ايكي وور مين يارا
بودا گئچر بئله قالماز
داغيلارمي وولقان باغرين
يارين صاباه قييامتده
يئتر سونون چاغين دونيا
اون اولارمي دامين، داشين
اوجا يوكسك داغين دونيا
گؤنده ر
بؤلوم لر:
+0 beyen
ديليمده بير اولوسون آرزيسي ياتيب دئيه سن
اويانماق حيس ائله مير بوردا گون باتيب دئيه سن
گئجه دنيز دوداغيندان اؤپردي شئهلي ناماز
دوداقلاريم چكينير كؤرپوموز آتيب دئيه سن
نه ياغموروندا اثر وار نه چايچي لار قورويور
سوروشما اورمو گؤلون! دوز باشين قاتيب دئيه سن
قيلينمايير تپه لرده ياغيش نامازلاريميز
بو اؤلكه ني نه ياغيش تانريدا آتيب دئيه سن
ده به تمه دوزلاري قارداش جان اوسته دير گؤينور
شهيدلرين ياراسي منجه دوز داديب دئيه سن
فيضولي لر اوجاغيندان كؤزرله نير شاعير
بو شاعيرين غزلي مطلبه چاتيب دئيه سن
آراز چكيلمه غزل شربتين بوشات قالدير
ايچيبدي تانريدا باخ دونياسين ساتيب دئيه سن
گؤنده ر
بؤلوم لر:
+0 beyen
آردينجا باخيب آدديميني ايزله ديم آي قيز
عشقين دويوبان كؤنلومو چنگيزله ديم آي قيز
قاشلارجا يايين، كيپريك اوخوندان يارالانديم
عشقين ياراسين من نقده ر گيزله ديم آي قيز
سايمازجا چيخيب سوندا كي گئتدين بورالاردان
يانديم، گؤره لي گؤزلري كهريز له ديم آي قيز
كؤنلوم قان آخير گنجه لي قيز اينديده سندن
آرتيق يانيرام من نئجه سن سيز له دم آي قيز؟
دؤن تبريزه گه ل آديمينا بوللو چيچك لر
بير- بير سريبن يوللاري نرگيزله دم آي قيز
سن بيل آرازين، اؤزگه دئييل دؤن بو غزلدن
مين كؤرپو ساليب گنجه ني تبريز له ديم آي قيز
گؤنده ر
بؤلوم لر:
+0 beyen
آللاه كيم ؟ من! سن! بيزدن بؤيوك! اؤزودور
او آغلا سيغمايان اوره ك كؤزودور
دونيادا نه وارسا اونون گؤزودور
داغلاردا، كتلرده، شهرده چوخدور
هر يئرده اولار كن هئچ يئرده يوخدور
ياتديغين يوخودا شيرين رؤيادا
چكدييين نفسده گزير پييادا
له لكده، دؤشكده، او سيرت قايادا
ياخشي باخ هر يئرده گورونور آللاه
آنا تك دالينجا سورونور آللاه
آتانين يئنيلمز اوجا ووقاري
جننتي آنانين يورقون آياغي
قارداشين- قارداشا عشقي داياغي
باجيلار كؤنلوندن سوزولور آللاه
بير كؤنول سيناندا اوزولور آللاه
نه يئتيم قيزلارين آرزيلاريندا
نفسين گيزله يه ن نه دول قاديندا
او خسته اوغلانين هاي هاراييندا
سايمادان يئرلره سريلير آللاه
آياقلار آلتيندا ازيلير آللاه
سيز هئچ داريخمايين كئفوزده اولون
هوتئللر ويلالار گزمه يه بولون
كئفه كؤتك چكين قاناتين يولون
جننتده پولادير چاتيلير آللاه
دونيا قاپانيندا ساتيلير آللاه
گؤنده ر
بؤلوم لر:
+0 beyen
يئنيدن بير دونيا ياراتماق ايستيرم
سئوگيدن باشقاسي اولماسين دئيه
سئوداسيز آنلاري قاراتماق ايستيرم
ايستيرم قاداسي،
دؤن بو سئوگيه
دؤن، گئتمه ، سن آللاه هله بير دايان
سئوگيدن سينسامدا مين كره اينان
حياتي سئوه جم
سني سئوه جم
اؤلومه نفس وار ائيله مم گومان
تانرييا اؤله جم
سني سئوه جم
سئويب سئويلمه ييم ندن خاطيره؟؟
كؤنلومده قاليبدير سندن خاطيره
سهمانلير كؤنلومو همن خاطيره
عشقيندن اؤلسمده سني سئوه جم
تانريدان دؤنسمده سني سئوه جم!
گؤنده ر
بؤلوم لر:
+0 beyen
داياندي اوستومه اؤلوم زامانسيز
بير كره آل باشيم ديز اوسته سويداش
كؤچورم يانيندان بو آن دومانسيز
حاققيني حلال ائت الويداع قارداش
ندير بو غملي سورو گؤزلرينده
منسيزده ياشاماق اولورمو بكداش
بير داها اليمي سيخ الرينده
حاققيني حلال ائت الويداع قارداش
توكندي سنيلن سوردويوم عومور
سن منه آرخاداش سن منه سيرداش
حسابيم سنيلن اولسادا كؤمور
حاققيني حلال ائت الويداع قارداش
قيسمتيم بودورمو سوروشو يوخدور
آغلاما سيل گؤزون آغلاما يولداش
گئتديييم بو يولون دؤنوشو يوخدور
حاققيني حلال ائت الويداع قارداش
گؤنده ر
بؤلوم لر: