+0 beyen
سؤز وئردي گئتدي چن هاوادا باتدي گلمه دي
آخشام سووشدو چن او دومان ياتدي گلمه دي
كؤنلومده ساخلاديم اوجامان ايلقارين يادين
گونلر آي اولدو، آيلار ايله چاتدي گلمه دي
دويموشدو گؤزلريم مني اونسوز قويور زامان
بونجا عومور بويون، آنيلار داتدي گلمه دي
ايزلردي هر صاباه يولونو شهلي گؤزلريم
منسيز ناسيل او آرزيسينا چاتدي گلمه دي؟
سيخسايدي بير جه دويغولاريم باكير اللرين
اركن گليب ساراردي مني، آتدي گلمه دي
بيلمم نه سؤيله ميش اونا غوربت نئجه دؤزوب؟
كيملر، ناسيل و هاردا باشين قاتدي گلمه دي؟
دويدوم يقين بيليب كي داها خسته لنميشم
باشدان آتيب سا باشقاسينا ساتدي گلمه دي
هئچ بيلمه ديم نه اولدو؟ندن خاطيره او گون-
سؤز وئردي گئتدي چن هاوادا باتدي گلمه دي؟
گؤنده ر
بؤلوم لر:
+0 beyen
بیزدن سورا گلن یازیقلارا ، یازیقلار...
دونیانین شورو چیخاندان
دوزلارین دا دادی قالماییب
ککره دادیخیر آغیزلاردا سؤزلر
بوش سوفره لردیر
تیکانلی باخیشلاردا
لاختالانیر آیاقلاریمیز
آختارماقدان دا بئزیکدیک
هانی داش آلتیندا چؤرک؟
هانی باغچالاردا چیچک؟
هانی بال دولو پتک؟
یوخا چیخسین..............
دیجیتالی پارتیلار الینده گزیر
چؤره گیمیزده ، پته گیمیزده
بال یوخ......................
زهه ر اودوروق دومانلی هاوادان
تک- تک
بیز کیمی ساوادسیزلارادا یازیقلار
بیزدن سورا گلن یازیقلارادا ، یازیقلار...
گؤنده ر
بؤلوم لر:
+0 beyen
+0 beyen
تاماه دیشیمی چکدیم دونیانیزدان
موتلولوقلار سیزین اولسون
چالین سئوگی آدلی توم شن لیکلریمی
تک قورو نفس دیر تانریدان
ایستر سینیز اونودا....
شوکورلر
میننت لی محببته سیغان دئییلم
سئوداسیز یاشاساق دا اولار
یاشاماساقدا
اؤلوم اولسون تانری سیز گئچن آنلاریما
یاشارکن
من بو دونیانی جهننم گؤردوم
اینسان- اینسان
یانانلاریدا وار
یاندیرانلاریدا
هن جانیم ،
گؤز گؤردویوندن قوخسا کور اولماز
جننت دیسه ، قوی ائله سیزه قیسمت اولسون
جهننم دیسه جهننم اولسون!
گؤنده ر
بؤلوم لر:
+0 beyen
باشیمدا کی بو آلوولانان اودو موم کیمی یانیرام
سنین اوزوندن
آنلامسیز اولا بیلر ، سیز اوچون
آغیر دوشونجه لی لر نه بیلر !
سئودانی چکمک گره ک
سیگارئت لریمده سنین زهرین اودورام
من هله وارام
اؤلوم یاشادیرام سنین اوزوندن
بیر اوزوم آیریلیغا
او بیری اینتیقام آلماغا چالیشیر
یارین صاباح قورتولوش گونومدور
گؤنده ر
بؤلوم لر:
+0 beyen
+0 beyen
+0 beyen
دویدوم نه سایاق؟ گول بدنین آغ بیله ییندن
گوللر اوتانیر سئیره چیخارکن بزه ییندن
جننت جؤجره ن گؤزلرین هاردان سو ایچیر قیز؟
تام تانری قوخور آخمادا گؤزلر ببه ییندن
آردینجا گزیر عطرین آلاندان ده لی کؤنلوم
بیر گؤره سن هئچ اؤپه بیللم لچه ییندن؟
یئرسیزمی دئییل ، منده آری سئوگیسی وارمیش
عیللت می بودور کؤنلوم اومور بال چیچه ییندن
هیجرینده گئچن لحظه لرین آغریسی اولدوم
آللاهدان اؤتور گه ل بوداشی توک اته یینده
تام نشئه دی سنلن حایاتی بیر باشا چاتماق
سن سیز اؤله رم قووما منی گول اوره ییندن
داشقین سئل اؤلوب سنله غزل شعرینه واردیم
هئچ دونیا گره کمز آرازا دوی دیله ییندن
گؤنده ر
بؤلوم لر:
+0 beyen
بيرليكده آغلاشيريق
تام دوستاغيق
باشقاسي يوخ
آللاهين گؤز ياشلاري سيخير قلبيمي
سيخيلير دوووارلار
اتاغيم ياس توتوب بيزيم حاليميزا
آغيتا ديل آچيب
قاپيدا،باجادا
حوزونلو چاغلاردان گئچيريك بيرليكده
آدديم-آدديم
گؤيلرده آختارما
حيضورسوز
هر شئيدن ياخيندا
بوردالاردا
ايچ ايچه سيغينيب كؤنوللريميز
سربست شعيرلرده
بسته له نير
آغيت لاريميز
چاره سيز آغلاشيريق
او منيم دونيادان چكديييم آجيلاردا
گؤز ياشي الير
من اونون توكنمز صبرينده
ايچيم- ايچيم
توكنيرم
گؤنده ر
بؤلوم لر:
+0 beyen
سيزلردن لاب اؤنجه
چؤكورم ديزه
يارين اوتوز دورد ياشيندايام
يا شام سيز، سئوداسيز نه اولوب بيزه؟
بيزدن ده لاب اونجه
ائلچي به ي بابام
شهريار، آرديندا چؤكوبدو سهند
هله ده دونياميز ائده جك داوام
جلادلار اؤنونده دايانيب يئنه
سويولسون قوي هله نسيمي آتام
بير آدديم اويانليق گئجه نين بيرينده
آتامين بئليندن قووولدوم منده
ساخلادي بطنينده ياراتدي آنام
دوققوز آي سوره سي دويا بيلمه ديم
نقده ر كابوسلار رويالار گؤردوم
آنامدان قايغي سيز يويا بيلمه ديم
توخوندوم اوره يينه
ياخيندان ياواش
اوخسته من كؤرپه دوغوم گونونده
گؤز آچديم دونيا يا گلمزديم اي كاش
خوش گلدين ببه ييم ده ده اؤنونده
سونرالار تانيديم آتامدي بو سس
بؤيويركن منده قاتلاشديم اونلان
ايشينده گوجونده يارديم چي اولدوم
واريميز آرتمادي بيزيم هئچ زامان
نه بيليم دئيه ردي اوتوزدوم سيزه
عومرومو، ماليمي... داها قوجاليب
آما بيز هئچ نه يه اوتوزما ميشديق
بيزيم بس دونياني گؤرن كيم چاليب؟
گؤنده ر
بؤلوم لر: