گونش یولچوسو
گونشی سارماق ایستیرم
تاريخ : یکشنبه 29 دی 1392 | یازار : آراز
+0 beyen

ديليمده بير اولوسون آرزيسي ياتيب دئيه سن

اويانماق حيس ائله مير بوردا گون باتيب دئيه سن

گئجه دنيز دوداغيندان اؤپردي شئهلي ناماز

دوداقلاريم چكينير كؤرپوموز آتيب دئيه سن

نه ياغموروندا اثر وار نه چايچي لار قورويور

سوروشما اورمو گؤلون! دوز باشين قاتيب دئيه سن

قيلينمايير تپه لرده ياغيش نامازلاريميز

بو اؤلكه ني نه ياغيش تانريدا آتيب دئيه سن

ده به تمه دوزلاري قارداش جان اوسته دير گؤينور

شهيدلرين ياراسي منجه دوز داديب دئيه سن

فيضولي لر اوجاغيندان كؤزرله نير شاعير

بو شاعيرين غزلي مطلبه چاتيب دئيه سن

آراز چكيلمه غزل شربتين بوشات قالدير

ايچيبدي تانريدا باخ دونياسين ساتيب دئيه سن





گؤنده ر 100 درجه کلوب دات کام گؤنده ر     بؤلوم لر:
تاريخ : یکشنبه 29 دی 1392 | یازار : آراز
+0 beyen

آردينجا باخيب آدديميني ايزله ديم آي قيز

عشقين دويوبان كؤنلومو چنگيزله ديم آي قيز

قاشلارجا يايين، كيپريك اوخوندان يارالانديم

عشقين ياراسين من نقده ر گيزله ديم آي قيز

سايمازجا چيخيب سوندا كي گئتدين بورالاردان

يانديم، گؤره لي گؤزلري كهريز له ديم آي قيز

كؤنلوم قان آخير گنجه لي قيز اينديده سندن

آرتيق يانيرام من نئجه سن سيز له دم آي قيز؟

دؤن تبريزه گه ل آديمينا بوللو چيچك لر

بير- بير سريبن يوللاري نرگيزله دم آي قيز

سن بيل آرازين، اؤزگه دئييل دؤن بو غزلدن

مين كؤرپو ساليب گنجه ني تبريز له ديم آي قيز



گؤنده ر 100 درجه کلوب دات کام گؤنده ر     بؤلوم لر:
تاريخ : یکشنبه 29 دی 1392 | یازار : آراز
+0 beyen

آللاه كيم ؟ من! سن! بيزدن بؤيوك! اؤزودور

او آغلا سيغمايان اوره ك كؤزودور

دونيادا نه وارسا اونون گؤزودور

داغلاردا، كتلرده، شهرده چوخدور

هر يئرده اولار كن هئچ يئرده يوخدور

 

ياتديغين يوخودا شيرين رؤيادا

چكدييين نفسده گزير پييادا

له لكده، دؤشكده، او سيرت قايادا

ياخشي باخ هر يئرده گورونور آللاه

آنا تك دالينجا سورونور آللاه

 

آتانين يئنيلمز اوجا ووقاري

جننتي آنانين يورقون آياغي

قارداشين- قارداشا عشقي داياغي

باجيلار كؤنلوندن سوزولور آللاه

بير كؤنول سيناندا اوزولور آللاه

 

نه يئتيم قيزلارين آرزيلاريندا

نفسين گيزله يه ن  نه دول قاديندا

او خسته اوغلانين هاي هاراييندا

سايمادان يئرلره سريلير آللاه

آياقلار آلتيندا ازيلير آللاه

 

سيز هئچ داريخمايين  كئفوزده اولون

هوتئللر ويلالار گزمه يه بولون

كئفه كؤتك چكين قاناتين يولون

جننتده پولادير چاتيلير آللاه

دونيا قاپانيندا ساتيلير آللاه



گؤنده ر 100 درجه کلوب دات کام گؤنده ر     بؤلوم لر:
تاريخ : یکشنبه 29 دی 1392 | یازار : آراز
+0 beyen

يئنيدن بير دونيا ياراتماق ايستيرم

سئوگيدن باشقاسي اولماسين دئيه

سئوداسيز آنلاري قاراتماق ايستيرم

ايستيرم قاداسي،

دؤن بو سئوگيه

دؤن، گئتمه ، سن آللاه هله بير دايان

سئوگيدن سينسامدا مين كره اينان

حياتي سئوه جم

سني سئوه جم

اؤلومه نفس وار ائيله مم گومان

تانرييا اؤله جم

سني سئوه جم

سئويب سئويلمه ييم ندن خاطيره؟؟

كؤنلومده قاليبدير سندن خاطيره

سهمانلير كؤنلومو همن خاطيره

عشقيندن اؤلسمده سني سئوه جم

تانريدان دؤنسمده سني سئوه جم!



گؤنده ر 100 درجه کلوب دات کام گؤنده ر     بؤلوم لر:
تاريخ : یکشنبه 29 دی 1392 | یازار : آراز
+0 beyen

داياندي اوستومه اؤلوم زامانسيز

بير كره آل باشيم ديز اوسته سويداش

كؤچورم يانيندان بو آن دومانسيز

حاققيني حلال ائت الويداع قارداش

 

ندير بو غملي سورو گؤزلرينده

منسيزده ياشاماق اولورمو بكداش

بير داها اليمي سيخ الرينده

حاققيني حلال ائت الويداع قارداش

 

توكندي سنيلن سوردويوم عومور

سن منه آرخاداش سن منه سيرداش

حسابيم سنيلن اولسادا كؤمور

حاققيني حلال ائت الويداع قارداش

 

قيسمتيم بودورمو سوروشو يوخدور

آغلاما سيل گؤزون آغلاما يولداش

گئتديييم بو يولون دؤنوشو يوخدور

حاققيني حلال ائت الويداع قارداش



گؤنده ر 100 درجه کلوب دات کام گؤنده ر     بؤلوم لر:
تاريخ : یکشنبه 29 دی 1392 | یازار : آراز
+0 beyen

ايسته سن سعادت گولر اوزومه

محو اولار غم ، كدر گيرمز گؤزومه

باسارام هيجراني داش يوخ... دؤزومه

ساچيمي يولارام سن ايسته مه سن

 

ايسته سن بو سحر سني تاپارام

سنينله ان گؤزل دويون ياپارام

جانينا ساريللام سانما قوپارام

بولودا دولارام سن ايسته مه سن

 

ايسته سن ياخينلار اوزاقلاريميز

تامسينار بير _بيرين قوجاقلاريميز

لاب درين اؤپوشر دوداقلاريميز

ساراليب سولارام سن ايسته مه سن

 

ايسته سن، ايسته يين تانري گؤسترير

جانيميز آلوولو عشقيدن ارير

يوكسه لير سئوگيميز گؤيلره درير

نه يازيق اولارام سن ايسته مه سن؟!



گؤنده ر 100 درجه کلوب دات کام گؤنده ر     بؤلوم لر:
تاريخ : یکشنبه 29 دی 1392 | یازار : آراز
+0 beyen

ياشامي دويورام

يانيغيم چوخالير

ايچريم آلولور

بنيزيم قارالير

ياشميرام آنجاق يانيرام دئمك

دئييللر دوام ائت بيتيرمه امك

ياشاماق يانماقدير ياناسان گرك

عومرو چوخ  آز اولار قارا گونلرين_كندينه اييي باخ آغلاما ييلماز

بوش يئره چكديرمه دارا گونلرين

اوز توتوب يولوما دوام ائديرم

ياشامي دويورام

البت يانيرام

گونوزم قورتولجاق گئجه م ياخالير

فيكريم آرتيرير آلوووم چوخالير

باشقا بير حسرته گيريب يانيرام

سانما اوزانيرام راحات ياتيرام

آچيلير صاباح گؤزم يوممادان

يوخ هله دئيه سن  توكنمه ميشم

ياشامي دويورام

باشدان يانيرام

سانيرام آلوووم جهننم ناري

يانديقجا چاليشيرام دؤزورم تاري

توكنيرسم رحم ائت

باشقا بير جهننمه گؤندرمه باري



گؤنده ر 100 درجه کلوب دات کام گؤنده ر     بؤلوم لر:
تاريخ : یکشنبه 29 دی 1392 | یازار : آراز
+0 beyen

سن سيز كن عومرومه ايلندي خزان

چيچكلر اوزومه گولمه دي بوردا

داراشدي سيم سيياه ساچلاريما دن

درديمي بير كيمسه بيلمه دي بوردا

 

آسلاندي گؤزلريم هر آن يوللارا

يالواردي گلمنه ياش تؤكتدو بوردا

ياغمورلو گؤزلريم دؤندو خوللارا

توپراقلار اوستونه هئي چؤكتدو بوردا

 

گاه باخدي ساغينا باخدي سولونا

آراييب حسرتله گوجندي بوردا

ساريلدي سونوندا سونسوز يولونا

گؤزومون ايشيغي توكندي بوردا

 

گلير سن دئيه يئنه ده بكله ديم

دونيالا اوستومه دارالدي بوردا

صبر ائتديم سيرتيما دردين يوكله ديم

بياضلار گؤزومده قارالدي بوردا

 

داياندي اوستومه سون سوز گئجه لر

چكينديم،ديسكينديم،  ييغيشديم بوردا

توخوندو سئوگيمه سن سيز گئجه لر

ايچيمدن ايچيمه سيغيشديم بوردا

 

داغيلدي باشيمدان دوسلاريم ائليم

يالقيزليق تك اولدو نصيبيم بوردا

بير كيمسه اولمادي آنلاسين ديليم

بيلمه ديم سن سيز كن غريبيم بوردا



گؤنده ر 100 درجه کلوب دات کام گؤنده ر     بؤلوم لر:
تاريخ : یکشنبه 29 دی 1392 | یازار : آراز
+0 beyen

دوغولدوم آنادان گونون بيرينده

جوشمادي ياشاماق قانيمدا منيم

يئر وئرين دوستاغين قارا يئرينده

بئله مي يازيلميش آلنيمدا منيم؟!

 

اؤلومون حسرتي باغريمي ازيب

سوچومو بيلمه دن دوستاغا دوشدوم

كونده لي زنجيرلر قيچيمدا گزيب

دوستاغين آلچاغين اوجاسين اؤشدوم

 

بوراسي دونيامي يا قارا دوستاق

چوخونا جننتدير سورار كن بيلديم 

منده چوخلاري تك گونشدن ياساق

قارانليق دوستاقدا عومرومو سيلديم

 

ياشاركن آراديم آزادليق يولون

ازلدن آيدينليق يولچوسو اولدوم

بولماديم هئچ زامان بو يئرلرده من

دوشونمك زوروندا سارالديم سولدوم

 

آنلاديم دونيانين بير گونشي وار

گوجلولر ايشيغين يوخسا اوغروللار!

دئييللر هامينين بوندا سهمي وار

عدالت آديلان قارا دوغروللار

 

بوراسي دونيادير بيرينه جننت

بوغولور كئف ايچره كئف چكير دارا

بيرينه دوستاقدير چاليشير فقط

عومرونو بير گئجه ياواش قورتارا

 

بوراسي دونيادي قويونا _قوردا

بير شكيلده يازيليب هامييا بو آد

فيرلانان فه له يين چرخي دي بوردا

بيرينه ترسينه بيرينه آواد

 

حقيقت ايتيريب بوردا معناسين

اوركلر داشداندي سئوگي دميردن

سنه لر آچيبدي هر شئيين پاسين

سسله نير اينسانليق بوردا قبيردن

 

بورادا سئوگييه گوونمك  اولماز

گرچكدن سئويشه ني بوردا ييخيللار

ويجدانسيز بو حايات دالغالاريندا

سئودالي جانلارا قورشون سيخللار

 

بوراسي دونيانين سوري(سوريه )اوداسي

قودرتلر يئر گؤيو بورادا ساغير

باخسانا جينايت پرده لرينه

ياغمورلار يئرينه بومبالار ياغير

 

دونيانين سونودور دئيه سن بوردا

اولدزلار سؤنركن بير_بير اله نير

آنالار ساچلارين يولور سوقاقدا

گوناسيز جوجوقلار قانا به له نير

 

قاوزانير گؤيلره اوغول واي سسي

ائشيدن يوخدومو؟ دويان يوخدومو؟

بين الخالق حاققينا ده يه ر وئرنلر(بين الملل)

اينسان سيزلرده ساقين يوخدومو؟

 

يازديغيز ياسالار نه يه گركدير؟

گركدير مظلوملار سيزلره ائيسين

فيليسطين،سورييا داردا باغيرير

ياسانيز بودورسا باشوزا ده يسين

 

بوراسي دونيانين دوستاق هاواسي

درديني بيلن يوخ كيمسه سيزلرين

آچماميش سولوبدو چيچك باخچاسي

گؤرمه ديم هئچ زامان گول بنيزلرين

 

اينسانليق عدالت نه بيليم نه لر 

آغيزلار به زه يه ن ساده جه بوش سؤز

باسيللار بورادا گوجلو كيمسه لر

يازيقلار كؤكسونده كؤز اوستونه كؤز

 

بورادا قالماغيم نه ييمه گرك

گركدير تانريلار قارشينا چؤكم

گزيشير بئينيمده كؤچمك هاواسي

قارانليق دوستاغي گركدير سؤكم

 

اي اؤلوم تانريسي دئ گل هارداسان

اؤلومله سئويشن بيريده منيم

اولمويا منيم تك سنده دارداسان

منه كي ياشاماق اولوبدو قنيم

 

دونيانين بوتونو فيرتينا اولسا

هاميسي گلجك منم باشيما

بيرآنليق اوره ييم سئوينج بولسا

سانجيدان زهرلر دولار آشيما

 

هايدي گل دايانما نفسيمي كس

ايچديييم زهردير چكديييم آجي

يوبانما هارداسان بودا بير نفس

يئتمزمي بوقدر چكديييم آجي؟

 

دوغوردان يالانميش _يالانميش دونيا

يازيليب عومرومه باشقا بير بؤلوم

ان بؤيوك شوعاريم هر زامان بويا

سعادت اؤلمكدير ياشاسين اؤلوم.



گؤنده ر 100 درجه کلوب دات کام گؤنده ر     بؤلوم لر:
تاريخ : یکشنبه 29 دی 1392 | یازار : آراز
+0 beyen
خاطيرلار سان مي سئودا ميزين ايلك گونون؟

اللرين اليمده تيترركن كؤنلومو ياخيردي

گؤزلرين قلبيمه عشقي قوناركن -اوتانيب گؤزومدن گئري باخيردي

سونرا سيجاق قونوشمالار ....

باذن ساعتلرجه گؤز-گؤزه تيكيب - جانيميزدان آلوولو تر آخيردي.

 

آمما ايندي نه اولدو؟

او سيجاق قونوشمالار ،اوزوموزده كي گولوشمه لر ندن سولدو؟

گؤره سن سئوداميز هانسي اينامسيز گؤزلره توش اولدو ؟

عشقيميزه نظر دولدو...

سئوگييه آچيلان قوللاريميز بوگون حسرتله قول بويون اولدو

داها آرتيق حايات يوخ بيزه بو ياشانتيدان

گولمه يي اونوتدوق بيز آغلاماقدان

آرايا گيرن گوندن بري _ساورولوب آجييلا كدرله دولدو كؤنلوموز

گؤرمه ديك دونيانين بيز وفاسيني

فيرتينالار كيمي گئچدي عومروموز

بوراخ مني  سئوگيليم،بوراخ سنسيز قالاريم

يوخ منه خاطير آليشما سن درده دولاريم

بوراخ من سوچلويوم فايدا يوخ منده

اومييديم توكندي يئتر سولاريم.

 

 



گؤنده ر 100 درجه کلوب دات کام گؤنده ر     بؤلوم لر:
یارپاق لار: [1] [2]
آرشیو
سون یازی لار
یولداش لار
سایغاج
ایندی بلاق دا : نفر
بوگونون گؤروشو : نفر
دونه نین گؤروشو : نفر
بوتون گؤروش لر : نفر
بو آیین گؤروشو : نفر
باخیش لار :
یازی لار :
یئنیله مه چاغی :