توت اليمدن مني سئوگينله ماراقلانمادايام

سنه لردير يورويوب ايندي آياقلانمادايام

بئله چيلپاقليغيما باخما سنين زينتينم

سني ديلسيز تانييان يئرده دوداقلانمادايام

شرفين وارسا قورو من آنالار ميراثيام

سنه من ايلكين آناندان واراماق لانمادايم

اوجالير منله بوتون شعر و ادب ذيروه لريم

قافا سيمرغ ندير يالنيز اوچاقلانمادايام

آنالار اينديده اوخشار بالاسين منله گولوم

حيالي قيزلارينين ديلده دوواقلانمادايام

قالاجيق جيمهوروسو منده ديل آچميش سومرين

ياشادار فخريله دونيا مني حاقلانمادايام

معتصم لر يانيري اينديده كسكين سؤزومه 

بابكين غئيرتييم قولدا داراقلانمادايام

من كور اوغلو آرايان تئللي نيگارين ديلي يم

ارزروم داغلارينا سئوگي شافاقلانمادايام

نبي اوخشاردي منيم له هجرين بوي_بوخونون

قوچاق اولدوزلو گؤيم يئرده آداقلانمادايام

تورو_تورلو گول آچيب توركولره لهجه لييم

ياشيل اورمانلي ديلم دالدا بوداقلانمادايام

ادبييات قوخوسوندان اوجالير نغمه ليييم

ده ده  قورقود سؤزويم تئلده سازاقلانمادايام

باش اوجالدار مني گرچكله دويان توركولريم

يارامازلار ديلينه منسه ياساقلانمادايام

قورويوب ساخلا آراز تك نقدر وار نفسين

يئني تاريخ قاتي تك يوخسا واراقلانمادايام

آردینی اوخو
گؤنده ر     بؤلوم لر: