يولوما گؤز تيكه رك دردين اوساندير گليرم

بوگئجه چيخ ديشاري تونقالي ياندير گليرم

فراغيمدان اوتوروب غم ديزيني سيخما گولوم

سن او تانريم بير آنيت دويغونو قاندير گليرم

قوروماز غوربت ائوي گؤز ياشينين حورمتيني

او يئشيل گؤزلرين آغلاتما آماندير گليرم

سينايير تانري بيزي هيجرانا قاتلاشماغينان

ال آچيب آللاهي حمد ائيله اوتاندير گليرم

اومودون كسمه ديله حق قاپيسيندان ديله يين

قورويوب عشقين آدين حققه بوياندير گليرم

مني كيم ساخلاياجاق تانري يولوندان گؤزليم

بوموقددس يولو سئوگينله اوزاندير گليرم

ساوالان بويدا دايانسا يولا آدديم باشي داغ

سينه سين پارچالارام داغلارا آندير گليرم

سنين آردينجا داشيب حسرتينه سئلله شيرم

آرازين يوللارينا سئوگي جالاندير گليرم

گؤنده ر     بؤلوم لر: