ياديندا بو باهار گله رم دئدين

او سويوق آخشامدا پاييز چاغيندا

گؤزوندن ياشلارين سيله رم دئدين

چيچكلر بيتيررم قارلي داغيندا

اوگوندن گؤزلورم گليشين گولوم

دورد باهار اؤتردي خبر اولمادي

بير گونو باسيلار اوستومه اؤلوم

هئچ سنين اوره يين مني بولمادي

ياديندا كوكسووه شاخارام دئدين

ياشامين ايناملي ماوي گؤيونده

ذيروه نه ساريللام اؤپرم دئدين

چشمه لر بيتيررم بوز اته يينده

هله ده داديخير آغزيمدا سؤزون

هله ده ياشيرام سنين عشقينله

موقددس سانيرام عشقيمين كؤزون

سينه مده تونقالدير گل مني دينله

گؤنده ر     بؤلوم لر: