قالاق-قالاق قالايير كؤكسومه غزل نازليم

قلمده، قافييه ده يالوارير گئنل نازليم

اوزاق-اوزاق ياشاماق بيزده اولماسين قايدا

قوشولدا دورنالارين آرديجا دئ گل نازليم

اودوملو يوللارينا اينجه -اينجه گؤز تيكديم

و يوخلوغون دولوسو گؤرمه ديم رذل نازليم

حيات دئمه نئجه سن سيز اولوب زهر دوندن

اوزالت اولورسا منه بيرده يارديم ال نازليم

ايتيرميشم گونشي قاپ قارا گونوم گوندن

سن اولمادان بئله دير گونلريم قره ل نازليم

شفق-شفق جالانير خاطيرن قارانليقلا

دؤيوشلر آرديجا قالخير جدل -جدل نازليم

دوشونجه لر باسيلير دورد يانيم قارانليقدير

دويونجا فيرتينادير، هئي ساتير شتل نازليم

و سوندا گؤزلريوين عطريدير قوخور گيزلين

دوشونجه مين تاواسيندان سوزور اؤزل نازليم

قاييتدا شعريمه سيغ اؤلمه دن ايچيمده غزل

دالينجا سؤز دئسه لر قويما سن محل نازليم

سينيخدي قول قاناديم داي سن اوزمه دن چيخ گل

دوشوم آياقلارينا من خزل-خزل نازليم

گؤنده ر     بؤلوم لر: