+0 beyen
هايقيرسام دونيايا داشار سيغيشماز
سيغينيب اوره كده ياتان سئوگيليم
اوره ييم انگين مي؟ يوخسا سئوگيليم كيچيلدي مي قارشيسيندا؟
گؤنده ر
بؤلوم لر:
+0 beyen
قوخوسونو داغيتماق اوچون
تك سن يوخ
قوي دونيا بيلسين من آرتيق اوءلموشم
گؤنده ر
بؤلوم لر:
+0 beyen
توپراقدير وارليغيم تانريم دئميشكن
چورويوب دوءنه جك اصلينه بير گون
قوي گئدسين بو وارليق ايندي كي گئدير
روحومو تانرييا باغيشلاديم دون
گئدمه ميش سون بير كز ايستيره م گوءره م
تانرينين جيلوه سين باخيشلاريندا
نازلانما بو قدر يوخسا شيطانين
قوخلانار ويجودو ناخيشلاريندا
ايسترسن قوردونان قيامته قال
ايندي كي توتورسان مني گوناهكار
من اوءز گوناهيمي دانميرام سنين
بو يازيق كوءنلومدن خبرينده وار؟
اوغرونا باش ايمك منيم گوناهيم
عومرومو چالماقدا بونون اوزوندن
ساده ليك اوزوندن نه وارسا منيم
قلبيمين سينماسي كيمين اوزوندن؟
گؤنده ر
بؤلوم لر:
+0 beyen
بهانه گترمه.........
گئچميشده يوخلايان خاطيره لري
ايسته ديم اويالدام اوءزووه گه لن
قالديران اوزوندن غم كدرلري
ائله من هامانام باخيشيم هامان
يوخ سن مني دويا بيلمه دين
سني آلداديبلار ائله بير گومان
صاف محببتيمي يويا بيلمه دين
بهانه گتيرمه گئتمك ايستيرسن
دئييل مي اوره يين داي مندن دويوب؟
اوخوماق اولورمو كئفلي گوءزوندن
هاردا بيريسيني گوءروبسه اويوب
بونداندا آرتيقراق آلدادانماسان
ساده ليك اوزوندن سينان قلبيمي
يارامازسنه ده اؤز ايكي اوزلويون
يانديريب ياخساندا اينان قلبيمي!
بهانه گتيرمه گئديرسن او يول
آچيقدير هر زامان سنين اوزونه
ايچينده ساخلاييب سانجيلارا دول
بوشونا ياشلاري سيخما گوءزونه
بيليره م يالوارسام قالان دئييلسن
گئديرسن گئد
يوخ اول
گوءزلريمدن ايت
منيم كي قدريمي بيلن دئييلسن
گئديرسن
چوخ اوزمه
بهانه سيز گئت
يوبانما ته له سير منسيز ايسته يين
يولونو گوءزاه يير بوردان اوزاقلار
دالغالار آتيلير دوتسون اته يين
بللي دير ايچينده هيجانلار وار
بهانه گتيرمه گئديرسن اوزول
اوءزونده بيلمه دين نه يي سئويرسن
بو ساتقين يوللاردا
يان
اري
سوزول
بيرده دوءنمه گئري اگر گئديرسن.
گؤنده ر
بؤلوم لر:
+0 beyen
ايندي تام هر شئيدن عوصيان واختيدير/
قالديرما گوءزومدن گوءز به به لرين/
باخسانا آغليمي اليمدن آلير/
جننت غونچه سيدير گول مه مه لرين
بير ايلن ديز ديزه ياخين اوتوراق
قوخلاييم گول تنين دريندن درين
قوي ساريم جانيني گوءزلردن ايراق
حايات نشئه سيدير گول مه مه لرين
سن سيز كن ياشاما گره ييم هاني؟
دونيالار ييغيشا توتاماز يئرين
گوءزون آچ آگولوم سئوگيني تاني
تانري هيديه سيدير گول مه مه لرين
گؤنده ر
بؤلوم لر:
+0 beyen
- ساريلير جانيما آغير بير حسرت
- گونشيمدن ايراق ييخاجاق مني
- دوغولور ظولمتين ايچينده ظولمت
- دئيه سن گئجه ليك بوغاجاق مني
- قاپانيب اوزومه بوتون قاپيلار
- قاپانيب حاياتين شادليغي شني
- قابارير ايچيمده يئني دويغولار
- دئيه سن تانريدا اونودوب مني
- يوخ او تانريدير هر شئيي بيلير
- اولوب اولماماقدا باغليدير اونا
- بيلميره م ندنسه اوزومه گولمور
- منيم كي اوره ييم داغليدير اونا
- قارا دوغراماديم من كي تانرييا
- تالعيم ندنسه منيم قارالير
- نقدر دوزورم آجي آغرييا
- گونو گوندن آرتيق دونيام دارالير
- منه كيم دوغرادي قارا گونلري
- گوءره سن تانرييا اعتيراض وارمي؟
- عومرومدن چوءزمه يه بو دويونلري
- تانردان باشقا بير تانريدا وارمي
گؤنده ر
بؤلوم لر:
+0 beyen